Nafarroako Zientzia, Teknologia eta Berrikuntza Plana - Ekintzak

Nafarroako Gobernua Zientzia eta Teknologiako Plan berria prestatu du, Nafarroa berriz ere berrikuntzaren lidergora eramateko. Azken lau urteetan, Nafarroa Europa barnean berrikuntzan eskualde indartsua izatetik moderatua izatera igaro da. Nafarroak gaitasuna du berrikuntzaren arloan berriz ere eskualde indartsu bat izateko eta Europako liderren artean kokatzeko. Oso onak diren hiru unibertsitate ditu, zentro teknologiko aitortuak, talentua, ekintzaileak, enpresa berritzaileak, zientzia, teknologia eta berrikuntza arloetan arauak ezartzeko autonomia ematen dion foru araubidea eta, orobat, bere baliabideak kudeatzeko aukera ematen dion Foru Ogasuna.

Helburu nagusiak:

- Berrikuntzaren alderdi guztietan hobetzea: inbertsioa, zientzia bikaintasuna, talentua, transferentzia, elkarlana eta nazioartekotzea. Ahalegin horrek etengabea izan behar du lidergoa erdiesteko eta hartan mantentzeko.
- Zientzia, Teknologia eta Berrikuntzako lehen foru legea idaztea, I+G+b-ra bideratutako finantzaketa publikoa iraunkorra izan dadin bermatzeko, Nafarroako berrikuntza sistema ezartzeko (SINAI), eragileak antolatzeko eta enpresetan ikerkuntza, garapena eta berrikuntza sustatzeko.


Inbertitu estrategia:

Planaren helburuak lortzeko, Inbertitu estrategia garatuko da, zazpi ardatzetan antolaturik:
 

1. I+G+b-rako inbertsioa, publikoa zein enpresena
2. Bokazio berritzailea
3. Nazioartekotzea
4. Espezializazioa, S3
5. Erregulazioa: Zientzia eta Teknologiari buruzko legea
6. Transferentzia: laborategitik merkatura
7. Bikaintasuna: Nafarroako I+G+b-ko sistema, SINAI

 
Erabakia, Nafarroako Gobernuak 2017ko uztailaren 19an, hartutako erabakiaren bidez, Nafarroako Zientzia, Teknologia eta Berrikuntza Plana onartua izan zen.

Fitxa

Legealdia: 
2015-2019
Departamentua: 
Lehendakaritzako, Funtzio Publikoko, Barneko eta Justiziako Departamentua
Unitate arduraduna: 
Industria, Energia eta Berrikuntzaren Zuzendaritza Nagusia
Tipo: 
Plana
Data azken gaurkotzea: 
2017/07/26, Asteazkena