Gaurko saioan, Foru Gobernuak Gardentasunaren, informazio publikoa eskuratzearen eta gobernu onaren Foru Legearen proiektua onartu du, aurreproiektuaren zirriborroko parte-hartze publikorako prozesua abenduaren 15ean amaitu ondoren.
Jasotako ekarpenen artean, aipatzekoa da toki-erakundeen publizitate aktiborako betebeharrak zedarritu direla, kontuan izanik zer egitura eta bitarteko dituzten.
Testu horren xedea da jardun publikoko eta gobernu-jarduneko gardentasuna arautu eta bultzatzea, informazio publikoa eskuratzeko eskubidea benetan gauzatu dadin bermatzea, interes-taldeak arautzea, eta gobernu ona bermatuko duen arau-multzo bat ezartzea.
Onarpen horren ondoren, testua Nafarroako Parlamentura bidaliko da, eztabaidatu dadin eta, hala badagokio, onar dadin.